Barrokoan musika, hezkuntzaren ikur bilakatu zen, eta, leku pribatuetan entzutetik, era publikoan antzoki handietan entzutera pasatu zen. Musikak interes handia piztu zuen, eta poetak zein idazleak garaiko astekarietan kritika espezializatuak egitera bultzatu zituen. Genero berri bat ere agertu zen, gainera: opera. Barrokoan, opera ahots-musika profano gorena izan zen. Genero musikal honen izar handiak kastratoak izan ziren.